Rewangeha Sûrî bo Mafên Mirovan belav kir, karwaneke leşkerî ku ji 55 barhilgirên barkirî bi alavên leşkerî û lojistîk pêk dihat, ji Herêma Kurdistanê derbasî Rojavayê Kurdistanê bû û ber bi gundewarê Hesekê çû.

Diyar kir jî, du firokeyên bi alavên leşkerî û lojistîk barkirî jî gihiştin her yek ji bingeha Şedadê ya Hevpeymaniya Navdewletî li Hesekê û bingeha Xerab El-Cîr li Rimêlanê.

Ev karwan di çarçoveya bihêzkirina bingehên Hevpeymaniya Navdewletî de li Rojavayê Kurdistanê û Sûriyê tê, ku çendîn car hevpeymaniyê hişyarî ji dubare vegera DAIŞ a terorîst daye.

Roja 23ê Berçileyê jî, Fermandariya Navendî ya Amerîkayê (CENTCOM) ragihandibû, hêzên wê barekî çekan ê DAIŞê li Dêrazorê bombebaran kir, di encamê de 2 çekdar hatin kuştin û yek jî birîndar bû.