![Serok Mesûd Barzanî: Em piştgiriyê didin lidarxistina hilbijartinan](https://d.ufkumuzhaber.com/news/100145.jpg)
Serok Mesûd Barzanî: Em piştgiriyê didin lidarxistina hilbijartinan
Serok Mesûd Barzanî li ser diyarkirina roja hilbijartinên Parlamentoya Kurdistanê got, “Em piştgiriya lidarxistina hilbijartinên pak û dûr ji destêwerdanan dikin.”
Berdevkê Serokatiya Herêma Kurdistanê Dilşad Şehab ragihand, Nêçîrvan Barzanî destnîşan kiriye ku dê hilbijartinê 20ê Çiriya Pêşîn a 2024an bên lidarxistin.
Serok Mesûd Barzanî ji bo diyarkirina roja hilbijartinên Parlamentoya Kurdistanê peyamek belav kir.
Serok Mesûd Barzanî ji bo diyarkirina roja hilbijartinên Parlamentoya Kurdistanê pîrozbahî li Serokatiya Herêma Kurdistanê kir û got:
“Ez destxweşiyê li Serokatiya Herêma Kurdistanê dikim ku roja 20ê Çiriya Pêşîn wekî roja hilbijartinên Parlamentoya Kurdistanê destnîşan kiriye.”
Rewşa Herêma Kurdistanê li ber çavan bigirin
Serok Mesûd Barzanî di peyama xwe de bal kişand ser hilbijartinên serbixwe û wiha pê de çû:
“Em piştgiriya lidarxistina hilbijartinên pak û dûr ji destêwerdanan dikin.
Em ji aliyên siyasî dixwazin rewşa Herêma Kurdistanê li ber çavan bigirin û ji bo serkeftina pêvajoya demokratîk û parastina aramî û pêkvejiyanê bi berpirsyarî hevkariya hevdû bikin.”
HABERE YORUM KAT
Türkçe karakter kullanılmayan ve büyük harflerle yazılmış yorumlar onaylanmamaktadır.