Babacan bal kişand li ser gotinên Dewlet Bahçelî û got, derbarî maf û azadiyên bingehîn yên Kurdan de tiştek naye gotin, tenê aliyê ewlekariyê tê gotûbêjkirin.
Babacan got: “Heta proseyeke serbixwe û bêalî ya dadgehê nebe, nabe tu şaredarek were dûrxistin. Ev yek dijî demokrasî û mafên hilbijartinê ye. Pirsên kevnar yên Tirkiyeyê hene. Egereke pir biçûk ya çareserî hebe, em amade ne piştevanî bidin. Lê hê ji Erdogan helwesteke zelal nîne. Herwiha birêz Bahçelî tenê li aliyê ewlekariyê ve mijûl dibe.”
Serokê Giştî yê Partiya DEVA got: “Derbarî maf û azadiyên bingehîn me ji kesek tiştek nebihistiye. Em hêvî dikin ev hemû ne ji bo careke din namzetbûna Erdogan bin, yan jî veşartina rojeva sereke yên welat bin.”
k24